Գրիգոր Գրաճեան, Պէյրութ, 15 Օգոստոս 2011
Թուրքիոյ տարածքին հայկական վանքերու եւ եկեղեցիներու թիւը կ՛անցնի 2300 –ը: Պոլսահայութիւնը մեծ զոհողութեամբ կանգուն կը պահէ քաղաքին մէջ գտնուող 33 եկեղեցիները եւ կը պահանջէ այլ քաղաքներ եւ գիւղեր գտնուող եկեղեցիներու նորոգութիւնն ու անոնց վերադարձը համայնքին: Ախթամարի Ս. Խաչ եկեղեցիին օրինակը խրախուսիչ է եւ վարակիչ: Յաջորդը Տիգրանակերտի Ս. Կիրակոս եկեղեցին է, որուն նորոգութեան աշխատանքները մեծ թափով կը կատարուին ծրագրուած՝ օծման եւ պատարագի թուականէն՝ հոկտեմբեր 22-էն առաջ:
Աշխահարացրիւ հայութեան համար Ս. Կիրակոսը ոչ այնքան ծանօթ սուրբի մը անուն է: Լսած էինք սուր
